Upplýsingar vegna árshátíðar

N10.bekkur nr7ú styttist í árshátíð og standa æfingar sem hæst. Nemendasýningar verða á föstudagsmorgunn en svo er stóri dagurinn á laugardag. Þá eru sýningar kl. 13 og 16 og kaffihlaðborð foreldrafélagsins á milli sýninga. Þetta er stærsta fjáröflunarleið foreldrafélagsins og fara tekjur þess að stærstum hluta í að styðja við skólastarfið og ferðir nemenda. Því er það hagur okkar allra að fjölmenna á kaffihlaðborðið.

Miðar eru seldir í forsölu hér í skólanum. Miðinn kostar þá 400 kr. en miðar keyptir sýningardegi kosta 500 kr.

Nýjustu Tengjuna, sem innihledur hagnýtar upplýsingar vegna árshátíðar er að finna hér.

Þennan dag verður makkarónusúpa í hádegismat í staðinn fyrir pizzu. Pizzan verður á öðrum degi í staðinn 🙂

Nemendum 1. bekkjar boðið upp á skíðkennslu í Hlíðarfjalli um helgina

skíða- og brettaskólinn HlíðarfjalliSkíða- og brettaskólinn í Hlíðarfjalli býður 1. bekkingum á Akureyri að koma í tveggja tíma kennslu á skíðum eða bretti þeim að kostnaðarlausu. Nemendum í 1. bekk í Oddeyrarskóla er boðið að koma laugardaginn 17. janúar eða sunnudaginn 18. janúar frá kl. 10-12. Það þarf að panta kennsluna á heimasíðu Hlíðarfjalls,www.hlidarfjall.is fyrir kl. 17 fimmtudaginn 15. janúar. Til að skrá sig í skólann er farið inn á eftirfarandi tengil: http://www.hlidarfjall.is/is/skidaskolinn/barnaskidaskolinn/skraningarblad-i-skidaskolann

Við skráningu þarf að skrifa nafn skólans í dálkinn „Annað“. Einnig þarf að merkja við ef óskað er eftir búnaði úr leigunni, hann er einnig ykkur að kostnaðarlausu. Í leigunni er hægt að fá hjálm.

Á skráningarblaðinu þarf að skrá getu:

  • 0 stig (þeir sem ekki kunna að stoppa)
  • 1-2 stig (geta bjargað sér í Hólabraut/diskalyftu, beygt og stoppað)
  • 3+ (geta farið í stólalyftuna)

 Mikilvægt er að mæta tímalega, sérstaklega ef búnaður er fenginn úr leigunni. Nánari upplýsingar í síma 462-2280 eða skidaskoli@hlidarfjall.is

Með skíðakveðju, Skíða- og brettaskólinn í Hlíðarfjalli

Tannlæknar barna – skilaboð frá hjúkrunarfræðingi

healthy-toothSamningur Sjúkratrygginga Íslands (SÍ) og Tannlæknafélags Íslands um tannlækningar barna, sem tók gildi þann 15. maí 2013 mun taka til 8 og 9 ára barna  frá og með 1. janúar 2015.

Tannlækningar eru greiddar að fullu af Sjúkratryggingum Íslands fyrir utan 2.500 kr., árlegt komugjald.

Samningurinn tekur einnig til allra barna í bráðavanda, að ákveðnum skilyrðum uppfylltum, óháð áfangaskiptingu samningsins.

Forsenda greiðsluþátttöku SÍ er skráning barna hjá heimilistannlækni en nú þegar hafa um 50.000  börn verið skráð.

Gjaldfrjálsar tannlækningar hafa komið inn í skrefum frá 15. maí 2013, í upphafi tók samningurinn til 15,16 og 17 ára barna en síðan hafa bæst við 3ja, 10, 11, 12 13 og 14 ára börn og nú 1. janúar 2015 bætast við 8 og 9 ára börn.  Frá og með 1. janúar 2018 munu öll börn yngri en 18 ára falla undir samninginn.

Síðbúin desembertengja

Nú er desembertengjan loksins komin í loftið og er hún að vanda undir flipanum Tengja sem sjá má hér fyrir ofan. Desembertengjan inniheldur skemmtilegar myndir frá hæfileikakeppninni og frá kaffihúsi sem 9. bekkurinn hélt utanum. Einnig er þar að finna fréttir um niðurstöður samræmdra könnunarprófa og skólapúlsins.

Janúartengjan, sem inniber allar nauðsynlegar upplýsingar um skipulag árshátíðar er væntanleg undir lok næstu viku.

Stekkjastaur í lestrarkennslu hjá nemendum í 1. og 2. bekk

Stekkjarstaur_2StekkjarstaurFyrir nokkru síðan heimsótti Stekkjastaur nemendur í 1. og 2. bekk og komust þeir þá að því að hann skorti færni í lestri og ritun. Þau buðu honum að heimsækja sig aftur svo þau gætu þá kennt honum að lesa og skrifa.

Á dögunum mætti Sveinki aftur með forláta skólatösku á bakinu og eins og sjá má á myndasíðu skólans brugðust krakkarnir honum ekki, heldur aðstoðuðu þeir hann við að læra að lesa, skrifa og reikna.

Heimsókn Stekkjastaurs vakti afar mikla kátínu hjá nemendum og starfsfólki!

Hæfileikakeppni í Oddeyrarskóla

Hæfileikakeppni 2014nr22 Hæfileikakeppni 2014nr6Í dag stóð nemendaráð Oddeyrarskóla fyrir hæfileikakeppni í skólanum.

Margir nemendur skráðu sig til leiks. Þeir ýmist sungu, spiluðu á hljóðfæri, dönsuðu eða sýndu töfrabrögð. Það var virkilega ánægjulegt að sjá alla þessa hæfileikaríku krakka sýna listir sínar. Það þarf mikið hugrekki til að sýna atriði fyrir alla nemendur og starfsmenn skólans, en það er ljóst að hér eru margir sem oft eiga eftir að stíga á stokk.

Hæfileikakeppnin er ákaflega skemmtileg tilbreyting í skólastarfið auk þess að vera góð upphitun fyrir árshátíð skólans sem verður haldin í lok janúar, en þá munu allir nemendur skólans sýna atriði.

Sigurvegarar í hæfileikakeppninni að þessu sinni voru  þau Gísli Erik og Elín Ylfa í 1. bekk, en hún söng lagið Ríðum sem fjandinn (sem Reiðmenn vindanna fluttu um árið) og hann dansaði með. Í öðru sæti var Rebekka Rut í 2. bekk, en hún söng lagið Dansaðu vindur. Krakkarnir fengu gjafabréf á Greifann að launum.

Við þökkum nemendaráði skólans innilega fyrir að standa svo vel að þessari hæfileikakeppni.

Fleiri myndir frá morgninum eru komnar á myndasíðu skólans.

Litlu jólin í Oddeyrarskóla

jólLitlu jólin verða haldin hér í Oddeyrarskóla föstudaginn 19. desember.

Nú verður sú nýbreytni að við verðum öll á sama tíma á litlu jólum. Dagskráin verður þó með svipuðum hætti og áður:

Allir nemendur mæta í sína heimastofu kl. 9:30 og þar verður hátíðleg stund með umsjónarkennurum. Kl. 10:00 hringir skólastjóri alla á jólaball í salnum þar sem við syngjum og dönsum saman í kringum jólatré. Að því loknu förum við aftur stutta stund í kennslustofur. Við gerum ráð fyrir að skóla ljúki um kl. 11.

Þar sem við ætlum að eiga hátíðlega stund saman er við hæfi að mæta í betri fötunum.

Um víða veröld

IMG_6054 IMG_6036 IMG_6033Frá því í byrjun nóvember hafa nemendur í 9. bekk unnið að stóru hópverkefni um heimsálfurnar. Verkefnið byggir á umfjöllum tengda námsefninu Um víða veröld. Nemendur fengu frjálsar hendur um það hvernig þeir skiluðu vinnu sinni af sér og mátti sjá fjölbreyttan afrakstur. Nemendur tóku ýmist fyrir eitt land og kynntu sér það á dýptina, eða eina heimsálfu eða hluta úr heimsálfu. Vinna við verkefni reyndi á samþættingu ýmissa námsgreina, s.s. stærðfræði, sögu, íslensku, listsköpun og upplýsinga- og tæknimennt. Sumir hópar úrbjuggu líkan af landinu/álfunni og margir komu með hluti sem tengdust viðfangsefninu. Þá mátti smakka matvæli frá sumum löndum. Foreldrum og starfsfólki skólans var boðið að koma kynna sér afraksturinn og voru nemendur mjög fúsir að segja frá nýrri þekkingu sinni og sýna vinnuna. Fleiri myndir eru komnar á myndasíðu skólans.

Rithöfundur í heimsókn

Nála-riddarasaga1

Í dag heimsótti Eva Þengilsdóttir rithöfundur nemendur í 1. – 4. bekk og sagði þeim frá nýrri bók sinni, Nála – riddarasaga. Hún sagði þeim frá aðdraganda þess að hún skrifaði bókina, en hann er sá að móður Evu saumaði út stórt veggteppi með riddaramyndum.

Eva varpaði upp myndum úr bókinni og las fyrir krakkana sem sýndu bókinni mikinn áhuga. Skemmtilegar spurningar og vangaveltur komu frá nemendum í kjölfar lestursins.

Við fögnum því hér í Oddeyrarskóla þegar við fáum rithöfunda í heimsókn því við vitum að það glæðir áhuga barnanna á lestri og býður upp á ýmsar vangaveltur um það hvernig sögur verða til.

Fyrir þá sem vilja kynna sér þessa sögu þá verður Eva að lesa upp í Eymundsson í kvöld.