Sími: 460-9550

Sími í Frístund: 460-9558

Eldri fréttir:

Félagsmiðstöðin Stjörnuríki

gral

Heilsusíða Oddeyrarskóla

heilsueflandi
gral
forritarar

SMT skólafærni

SMT skólafærniÍ Oddeyrarskóla vinnum við eftir hugmyndafræði SMT skólafærni. Innleiðing á SMT skólafærni hófst í skólanum árið 2006 en hugmyndafræðing gengur út á jákvæðan stuðning við hegðun nemenda. SMT skólafærni er útfærsla á bandarísku aðferðinni “positive behavior Support” (PBS) sem víða er notuð í grunnskólum í Reykjavík. SMT skólafærni er hliðstæð PMT foreldrafærni (parent management training).

Markmið SMT skólafærni er að skapa jákvæðan skólabrag og tryggja öryggi og velferð nemenda og starfsfólks skóla. Aðferðin leggur áherslu á leiðir til að koma í veg fyrir og draga úr hegðunarvanda með því að kenna og þjálfa félagsfærni, umbuna fyrir æskilega hegðun og samræma viðbröðg starfsfólks gagnvart nemendum sem sýna óæskilega hegðun. Nemendur sem hafa góða félagsfærni sýna síður óæskilega hegðun, eiga auðveldara með að eignast vini og leysa farsællega úr vandamálum og ágreiningsefnum.

Nemendur Oddeyrarskóla fá hrós fyrir æskilega hegðun og að fylgja skólareglum. Í sumum tilvikum geta nemendur fengið svokallaða Þrumu, eða hrósmiða sem þeir setja í safn bekkjarins og þegar bekkurinn hefur náð sexfaldri bekkjarstærð af þrumum fær hann umbun sem hefur verið fyrirfram ákveðin. Umbun getur verið í formi spilatíma, leiktíma, náttfatadags, DVD áhorfs, fráls nestis eða annars í þeim dúr.

Í SMT stýrihópi skólans sitja Kristín Jóhannesdóttir skólastjóri, Sigrún Finnsdóttir kennari og Guðný Sigurharðardóttir skólaliði.

Stýrihópur og starfsmenn skólans vinna eftir árshjóli sem er endurunnið frá ári til árs. Árshjólið sýnir ákveðið skipulag kringum SMT starfið okkar. Hér má árshjól skólaárisins 2015-2016.

Einkunnarorð Oddeyrarskóla eru ábyrgð, virðing og vinátta. Við tengjum skólareglurnar okkar við þessar þrjú einkunnarorðÞau eiga að minna okkur á ábyrgð okkar gagnvart sjálfum okkur og öðrum, t.d. á námi, kennslu og framkomu. Þau eiga að minna okkur á að sýna hvert öðru virðingu, bæði í orði og verkum. Þau eiga að minna okkur á mikilvægi vináttu og að öllum líði vel í skólanum. Að nemendur og starfsfólk starfi í jákvæðu umhverfi þar sem áhersla er lögð á vinsemd og allir leggjast á eitt um að vinna gegn stríðni, vanlíðan og einelti.

Einkunnarorð skólans eiga að vera öllum kunn og vera okkur leiðarljós að því markmiði að öllum líði vel í skólanum og þeir séu metnir að verðleikum. Að hver og einn geti sinnt starfi sínu og námi eins og hann best getur og fengið leiðbeiningar og aðstoð eins og hann þarf. Að innan skólasamfélagsins sé andi samhjálpar og vináttu, þannig að allir hjálpist að við að leiðbeina og minna á góðar umgengnisvenjur og láti sig varða ef einhver er beittur órétti eða við sjáum stríðni eða einelti gagnvart nemendum eða starfsfólki.  Einkunnarorð skólans eru rædd og rifjuð upp á hverju skólaári.

Við leggjum áherslu á að nemendur læri skólareglurnar og fá þjálfun í að fylgja þeim, hér eru skólareglur Oddeyrarskóla. Skólareglur eru settar upp eftir svæðum skólahúsnæðisins en þar eru líka almennar reglur sem gilda hvar sem nemendur eru allsstaðar innan dyra eða utan þar sem nemendur og starfsfólk er á vegum skólans. Yfirreglur SMT skólafærni eru eftirtaldar: Förum eftir fyrirmælum, verum stundvís, höfum hendur og fætur hjá okkur, verum kurteis og tillitssöm.

Hvatning 

Hvatning er tæki sem kennarar geta notað til að kenna nýja hegðun og viðhalda henni með jákvæðum hætti. Sjálfstraust barna helst mjög í hendur við þá hvatningu sem þau fá fyrir það sem þau geta eða gera rétt.

  • Hvatning er eitthvað sem barn vill fá og fylgir á eftir æskilegri hegðun.
  • Hvatning getur verið félagsleg, s.s. hrós og bros.
  • Hvatning getur verið áþreifanleg eins og límmiðar og stjörnur sem kennarar nota oft.
  • Hvatning getur verið að fá að gera eitthvað, spila, fara í leiki eða annað sem kostur er á.

Í Oddeyrarskóla hefur verið ákveðið að nota þessa leið til að hvetja alla nemendur til að sýna góða hegðun og gott fordæmi. Við notum spjöld sem við köllum Þrumuna og afhendum hana eftir föngum þegar börn sýna æskilega og jákvæða hegðun.
Allur bekkurinn vinnur saman að því að safna Þrumum. Þegar ákveðnum fjölda er náð hefur bekkurinn unnið sér inn umbun sem er fyrirfram ákveðin með hópnum.

100 miða leikurinn er skemmtileg hefð sem tengist SMT skólafærni. Leikurinn gengur út á að nemendur sem eru duglegir að fylgja einkunnarorðum skólans og skólareglunum eiga möguleika á því að fá stjörnu. 100 stjörnum er deilt út til nemenda á 10 dögum. Um leið og nemendur fá stjörnu segir starfsmaður honum fyrir hvað hann fær stjörnuna. Nemendur fara með stjörnurnar sínar til ritara og upplýsa hann um fyrir hvað þau fengu þessi blóm. Þar draga þau númer sem fer á 100 töflu hjá ritara. Ein röð hefur verið fyrirfram ákveðin sem sigurröð og er hún dregin úr innsigluðu umslagi þegar leiknum er lokið. Þeir 10 nemendur sem vinna fá einhverja umbun. Haustið 2012 fóru nemendur með skólastjórnendum í keilu og haustið 2013 fóru nemendur með skólastjórnendum á kaffihús.

Þegar hegðun nemenda er ekki í samræmi við viðmið okkar og væntingar fylgja starfsmenn ákveðnu SMT agaferli

SMT lausnarteymi skólans vinnur að málefnum einstaklinga eða hópa. Kennarar geta óskað eftir stuðningi teymisins við lausn einstaklingsmála eða málefna hópa. Í SMT lausnateymi skólans sitja Rannveig og Fjóla deildarstjórar, Hrafnhildur Guðjónsdóttir kennari, Þuríður Lilja Rósenbergsdóttir námsráðgjafi og Ragnheiður Ásta Einarsdóttir kennari, en hún leiðir störf lausnateymis.

Bent er á heimasíðu PMT-foreldrafærni þar sem ýmsar upplýsingar má finna um PMT og SMT.

Unnið er að því að sem flestir kennarar skólans fari í PMT grunnmenntun, en hún er ætluð fagfólki sem kemur að vinnu með börnum sem sýna hegðunarerfiðleika og sinnir ráðgjöf fyrir uppalendur.

 Markmið grunnmenntunar er þríþætt: að efla þekkingu þessara fagstétta á aðferðum PMTO til að takast á við hegðunarerfiðleika; að efla skilning á hegðunarerfiðleikum og á mælingum hegðunar; að auka færni í ráðgjöf vegna hegðunarerfiðleika og vitund um hvenær og hvert vísa eigi málum sem þarfnast frekari meðferðar (til dæmis í PMTO einstaklings- eða hópmeðferð).