Stjörnuríki er félagsmiðstöð nemenda í 8-10 bekk í Oddeyraskóla. Félagsmiðstöðin býður upp á opið starf þar sem unglingarnir sjálfir, undir handleiðslu starfsmanna skipuleggja og sjá um viðburði.
Opnanir félagsmiðstöðvarinnar er sem hér segir:
- Mánudagar 20:00 – 22:00
- Miðvikudagar 20:00 – 22:00
Á opnu húsi viljum við hafa gaman og viðmiðið er að unglingar viti hvað má og hvað ekki án þess að taka þurfi það sérstaklega fram. Hins vegar er ágætt að minna á að
- Unglingunum er óheimilt að vera með Vape, áfengi, tóbak og aðra vímugjafa í vörslu sinni jafnt innan dyra sem utan í félagsmiðstöðinni og í ferðum á vegum hennar.
Séu reglur félagsmiðstöðvarinnar brotnar er haft samband við foreldra.
Allir nemendur í 8.-10. bekk eru velkomnir í allar félagsmiðstöðvar á Akureyri en þær eru 6 samtals. Mætingarstig gilda á milli félagsmiðstöðva og með þeim öðlast þau rétt á þátttöku á Samfesting, aðalviðburð Samfés.
Veturinn 2025-2026 verður félagsmiðstöðvarstarfið endurskipulagt og þróað með samstarfi deildarsjóra forvarna- og frístundamála og félagsmiðstöðvarfulltrúa í samráði við nemendur og aðra hlutaðeigandi. Skólaböll eru á vegum skólanna og nemenda í hverjum skóla. Fulltrúi félagsmiðstöðvar er til staðar á balli.
Starfsfólk Stjörnuríkis í vetur verða …….. en ráðningarferli stendur nú yfir. Þau taka ávallt vel á móti öllum sem vilja vera með. Auglýsingar, dagskrá og fleira má finna á samskiptamiðli Stjörnuríkis sem er á Instagram.
Facebook síða Félagsmiðstöðvar Akureyrar: https://www.facebook.com/FELAK123
Instagram síða Stjörnuríkis: https://www.instagram.com/stjornuriki_felak/
Deildarsjóri forvarnar- og frístundarstarfs og frístundarfulltrúi veita frekari upplýsingar
Starf Miðstigs
Miðstigsopnanir eða opin hús eru fyrir börn í 5. – 7. bekk. Það starf er einnig í mótun núna í vetur en hér neðar eru upplýsingar um hvernig starfið var skólaárið 2024-2025.
Miðstigsopnun er í eina og hálfa klukkustund í senn í hverri félagsmiðstöð. Hver skóli er með fjögur opin hús á önn.
Starfið er með þeim hætti að starfsmenn Félak skipuleggja dagskrá fyrir öll opin hús vetrarins en krakkarnir hafa val um að fylgja dagskránni eða einfaldlega njóta þess sem félagsmiðstöðin hefur að geyma; spila borðtennis, hlusta á tónlist o.s.frv. undir eftirliti og leiðsögn starfsmanna.
M65 er Klúbbastarf fyrir 5. og 6. Bekk. Unnið er eftir hugmyndafræði Timewise sem gengur út á að kenna þeim lýðræðislega hugsun, taka þátt í hóp, vera meðvituð um hvernig þau nýta frítíma sinn og gera ýmislegt til að örva félagsþroskann. Ásamt því að gera ýmislegt skemmtilegt.
Pop-up viðburðir eru hugsaðir fyrir 7.bekki á Akureyri. Þrátt fyrir að 7. bekkingar séu á miðstigi verða þau oft á milli miðstigs og unglingastigs, en þau mættu vera duglegri að sækja opin hús. Svo þessir viðburðir eru gerðir eingöngu fyrir þau.
Allar upplýsingar er hægt að nálgast á Facebook síðu Miðstigs Félak: https://www.facebook.com/profile.php?id=100070091800189
Síðast uppfært 01.09 2025
