Opið hús í Oddeyrarskóla vegna skólavals nemenda í 1. bekk haustið 2016

skóliForeldrum barna sem eru að hefja nám í 1. bekk grunnskóla stendur  til boða að velja í hvaða skóla börn þeirra fara í samræmi við skólastefnu og fjölskyldustefnu Akureyrarbæjar.

Það er mikilvægt að foreldrar kynni sér starfsemi skólanna vel og hvað þeir hafa upp á að bjóða. Af því tilefni bjóða grunnskólarnir upp á „opið hús“ í febrúarmánuði og eru foreldrar hvattir til að nýta sér það. Í Oddeyrarskóla verður opið hús miðvikudaginn 17. febrúar 2016 kl. 9-11. Þá geta foreldrar kíkt í heimsókn til okkar og kynnt sér skólastarfið, allir eru velkomnir hvort sem þeir eru búnir að skrá börnin sín í skólann eða ekki.

Hér er stutt kynning á helstu áherslum okkar í Oddeyrarskóla.

Nú stendur yfir innritun í grunnskólana og foreldrar geta kynnt sér það frekar á heimasíðu skóladeildar Akureyrarbæjar.