Í gær, 28. febrúar, fór fram við hátíðlega athöfn viðurkenning fræðslu- og lýðheilsuráðs í Naustaskóla á Akureyri. Markmiðið er að vekja sérstaka athygli á því sem vel er gert og hvetja þá sem fyrir valinu verða til þess að halda áfram því góða starfi sem þeir eru að vinna. Veittar eru viðurkenningar í flokkinum nemendur, starfsfólk og verkefni. Viðurkenningin er staðfesting á að viðkomandi skóli/starfsmaður/nemandi er fyrirmynd annarra á því sviði sem viðurkenning nær til. Að þessu sinni hlaut Snjóki viðurkenningu fyrir metnað, kurteisi og velvild gagnvart öðru fólki og þær Magga og Linda hlutu viðurkenningu fyrir foreldranámskeiðið í 1. bekk, „tengjumst í leik“. Innilegar hamingjuóskir.
Nemendaþing fór fram í Oddeyrarskóla í dag þar sem nemendur í 1.-8. bekk komu saman til að ræða mikilvæg málefni skólastarfsins. Nemendur úr 9. og 10. bekk tóku að sér ábyrgðarmikil hlutverk sem hópstjórar og ritarar og stýrðu umræðum af fagmennsku og alúð.
Á þinginu ræddu nemendur um einkenni góðra kennara og nemenda og hvernig góður námsfélagi á að vera. Það var gaman að sjá hversu vel nemendur okkar taka þátt í umræðunum og hversu vel þeir ígrunda þessi mikilvægu málefni.
Nemendur fengu einnig tækifæri til að ræða það sem þeim finnst gott við Oddeyrarskóla og koma með hugmyndir að því sem mætti bæta. Þessi nálgun gefur nemendum tækifæri til að hafa áhrif á sitt nærumhverfi og læra um lýðræðisleg vinnubrögð í leiðinni.
Við erum stolt af því hvernig eldri nemendur taka að sér forystuhlutverk og hvernig yngri nemendur taka virkan þátt í umræðunum. Þetta er góð leið til að efla samstarf milli árganga og styrkja skólaandann.
Niðurstöður þingsins verða nýttar til að bæta skólastarfið og gera Oddeyrarskóla að enn betri stað til að læra og þroskast. Hér má sjá myndir.
Oddeyrarskóli býður foreldrum og forráðamönnum væntanlegra fyrstu bekkinga að koma í heimsókn miðvikudaginn 26. febrúar milli klukkan 12:00 og 13:00. Þetta er kjörið tækifæri til að kynna sér skólann og fá innsýn í starfið sem fram fer innan veggja hans.
Við segjum frá skólastarfinu og sýnum skólahúsnæðið. Við hvetjum alla foreldra og forráðamenn verðandi fyrstu bekkinga til að nýta þetta tækifæri og koma í heimsókn. Vinsamlegast notið starfsmannainngang við Grenivelli.
Vegna slæmra aðstæðna hefur útivistardegi í Hlíðarfjalli, sem átti að vera 10. febrúar, verið frestað. Aðstæður eru ekki góðar eins og er en vonandi gefst tækifæri til að fara síðar í vetur.
Spennandi Lífshlaupsáskorun hefst í skólanum! 🏃♂️🏃♀️
Nú er komið að því sem margir hafa beðið eftir með eftirvæntingu – Lífshlaupið 2025 er hafið. Þetta frábæra framtak, sem hvetur okkur öll til að hreyfa okkur meira og lifa heilbrigðara lífi. Setning fór fram á sal skólans í dag þar sem heilsueflingarnefnd skipulagði viðburð og nemendur og starfsfólk dansaði saman.
Nemendakeppnin hefst af krafti þann 5. febrúar og stendur til 18. febrúar. Þetta er frábært tækifæri fyrir alla nemendur til að taka þátt í skemmtilegri áskorun þar sem hver og einn getur lagt sitt af mörkum til að efla heilsuna og styrkja bekkjarliðið sitt. Við hvetjum alla nemendur til að vera með, því saman erum við sterkari!
Starfsfólk skólans lætur ekki sitt eftir liggja og tekur þátt í sérstakri starfsmannakeppni sem stendur enn lengur, eða frá 5. til 25. febrúar. Það er einstaklega hvetjandi fyrir nemendur að sjá kennarana sína og annað starfsfólk taka virkan þátt í verkefninu.
Lífshlaupið er frábær leið til að koma sér af stað, prófa nýja hreyfingu og hafa gaman saman. Hver mínúta telur og öll þátttaka skiptir máli! Hvort sem þú velur að ganga, hlaupa, hjóla eða dansa – allt er það framlag til heilsunnar og liðsheildarinnar.
Nú er tækifærið til að taka þátt í þessari skemmtilegu áskorun. Sýnum hvað í okkur býr og gerum þetta „lífshlaupsár“ að því besta hingað til! Áfram við öll! 💪
Árshátíð Oddeyrarskóla fór fram þann 30. janúar síðastliðinn og tókst einstaklega vel til. Gleði og hamingja skein úr andlitum nemenda og starfsfólks á þessum skemmtilega degi þar sem jákvæður skólabragur var í hámarki.
Sérstakt tilefni var til að fagna þennan dag, því nemendur skólans höfðu náð þeim frábæra árangri að safna 5000 þrumum. Fyrir þennan glæsilega árangur var öllum nemendum boðið upp á girnilega pizzuveislu sem vakti mikla lukku.
Foreldrafélag skólans átti stóran þátt í því að gera þennan dag ógleymanlegan. Við viljum koma á framfæri sérstöku þakklæti til allra foreldra og ekki síst stjórnar foreldrafélagsins fyrir þeirra ómetanlega framlag og stuðning. Samstarf heimilis og skóla er einstaklega dýrmætt og skilar sér í ánægjulegri skólagöngu barnanna okkar.
Árshátíðin er góð áminning um þann sterka skólabrag sem ríkir í Oddeyrarskóla og þá samstöðu sem einkennir skólasamfélagið okkar. Við hlökkum til að halda áfram að byggja upp jákvætt og uppbyggilegt skólastarf með stuðningi allra sem að skólanum koma.
Árshátíð Oddeyrarskóla verður haldin fimmtudaginn 30. janúar. Að morgni eru sýningar fyrir alla nemendur skólans en eftir hádegi eru foreldrasýningar. Að þessu sinni verða sýningar tvær. Ekkert kostar inn á sjálfar sýningarnar en frjáls framlög á reikning nemendafélagsins eru vel þegin, 0302-13-000229, kt. 4509082580.
Kaffisala foreldrafélagsins er eftir báðar sýningar. Við hvetjum alla til að staldra við og gæða sér á glæsilegum veitingum og styrkja þar með foreldrafélagið. Verð er krónur 1500 fyrir fullorðna og 500 fyrir börn. Hægt er að kaupa miða í kaffihlaðborðið fyrirfram hjá ritara, best að hafa samband við sunneva@oddeyrarskoli.is ef menn vilja forðast raðir og einnig verða seldir „kaffimiðar“ fyrir sýningu. Posi á staðnum.
Fyrsta vika vorannar hófst á skemmtilegan og óhefðbundinn hátt á unglingastigi. Kennsla samkvæmt stundaskrá var felld niður og í staðinn haldin smiðja sem lagði áherslu á að efla námsvitund nemenda og stuðla að bættri námsmenningu.
Á mánudaginn fengu nemendur tækifæri til að ígrunda eigin sjálfsmynd, byggja upp sjálfstraust og velta fyrir sér eigin gildum, hlutverki og framtíðardraumum. Þeir voru hvattir til að skoða hvert þeir vilja stefna og hverju þeir vilja ná fram í lífinu.
Á þriðjudaginn var farið yfir mikilvægi markmiðasetningar þar sem nemendur lærðu að setja sér SMART markmið fyrir bæði námið og daglegt líf. Að auki var haldið nemendaþing þar sem þau ræddu saman í hópum um ýmis málefni tengd náminu, svo sem metnað, mikilvægasta fagið að þeirra mati, samskipti kennara og nemenda og fleira. Þetta gaf nemendum gott tækifæri til að láta skoðanir sínar í ljós og læra hver af öðrum.
Miðvikudagurinn var tileinkaður fjölbreyttum leikjum og æfingum sem miðuðu að því að efla jákvæð samskipti og byggja upp traust milli nemenda. Þeir fengu tækifæri til að stíga út fyrir þægindarammann, æfa sig í að treysta félögum sínum og leggja áherslu á að sýna virðingu, styðja hvert annað og vinna saman.
Á fimmtudaginn var fjallað um hugarfar og starfsemi heilans. Nemendur lærðu hvernig þeir geta tileinkað sér vaxandi hugarfar, bæði í námi og lífinu almennt. Einnig var lögð áhersla á mikilvægi seiglu og þrautseigju við að takast á við erfið verkefni og áskoranir. Að auki fengu nemendur innsýn í starfsemi heilans, þar sem þau kynntust mismunandi hlutum hans og hlutverkum þeirra. Þetta veitti nemendum betri skilning á því hvernig hugarfar getur haft áhrif á hegðun og tilfinningar þeirra.
Smiðjan endaði svo á uppskeruhátíð á föstudeginum þar sem niðurstöður úr verkefnum vikunnar voru kynntar áður en farið var í Skautahöllina. Hér má sjá fleiri myndir.
10. bekkur Oddeyrarskóla ætlar að skella í eitt gott nýársbingó næstkomandi sunnudag, 12. janúar. Fullt af góðum vinningum og vöfflusala í hléi. Við mælum með að fólk mæti snemma, því það hefur gerst að færri hafa komist að en vilja. Húsið opnar kl 13:30 og mun spjaldið kosta 1000.- Hlökkum til að sjá ykkur, Nemendur 10. bekkjar Oddeyrarskóla
Starfsfólk Oddeyrarskóla óskar öllum nemendum, foreldrum og forráðamönnum ásamt öðrum velunnurum skólans gleðilegrar jólahátíðar með þökk fyrir samstarfið á árinu sem er að líða.
Skólahald hefst að nýju skv. stundaskrá 6. janúar. Frístund er opin 2. janúar fyrir þau börn sem búið er að skrá þann dag.
Þessi vefur notar vafrakökur (cookies) til að tryggja sem besta upplifun þegar hann er skoðaður. Þessi borði hverfur þegar þú samþykkir eða hafna notkun. Þú getur breytt stillingum á kökum hvenær sem er.
Nauðsynlegar kökur
Always active
Nauðsynlegar kökur tryggja eðlilega virkni og öryggi tenginga.
Preferences
The technical storage or access is necessary for the legitimate purpose of storing preferences that are not requested by the subscriber or user.
Tölfræðikökur
The technical storage or access that is used exclusively for statistical purposes.Tölfræðikökur þessar kökur aðstoða aðstandendur vefsvæðisins að skilja hvernig notendur upp til hópa haga sér á vefsvæðinu.
Markaðskökur
Markaðskökur eru notaðar til að fylgja notendum milli vefsvæða. Markmið þeirra er fyrst og fremst að sýna notendum auglýsingaefni sem líklega hefur vægi fyrir notendann.
