Skólaslit Oddeyrarskóla verða þriðjudaginn 9. júní. Nemendur í 1. – 10. bekk mæta klukkan 9:00 (frístund opin frá klukkan 8:00 – 9:00). Nemendur mæta á sal skólans og fara síðan með umsjónarkennurum í sínar heimastofur.
Nemendur unglingastigs mæta klukkan 14:30 á sal skólans. Þá eru skólaslit og útskrift nemenda úr 10. bekk. Að dagskrá lokinni er nemendum 10. bekkjar og aðstandendum þeirra ásamt starfsfólki boðið í kaffi í matsal skólans. Vonumst til að sjá sem flesta þar.
Það ríkti skemmtileg stemning og mikil spenna á körfubolta- og fótboltavöllunum í dag sem og í íþróttahúsinu þegar hin árlega og bráðskemmtilega íþróttakeppni milli starfsmanna og nemenda fór fram. Þessi frábæri viðburður sýndi svo ekki varð um villst hversu öflug samstaða og jákvæðir baráttuhundar búa í skólasamfélaginu okkar. Allir mættu til leiks fullir af eldmóði og tilbúnir að gefa allt sitt í leikinn!
Keppt var af miklum krafti í þremur skemmtilegum íþróttagreinum: körfubolta, fótbolta og blaki. Fjögur frábær lið mættu til leiks, staðráðin í að sýna sínar bestu hliðar. Nemendur í 8. bekk, 9. bekk og 10. bekk tefldu hvert um sig fram öflugum liðum sem sýndu glæsilega samvinnu og tækni. Á móti þeim stóð svo samstillt og reynslumikið lið starfsmanna skólans, sem sýndi að gamlir taktar ryðga ekki auðveldlega.
Það var dásamlegt að sjá hvernig þessi viðburður sameinaði alla. Nemendur og starfsmenn hvöttu hver annan áfram af miklum krafti og gleðin skein úr hverju andliti. Þótt keppnin hafi verið hörð var íþróttamennskan til fyrirmyndar og sýndi okkur að með samvinnu og jákvæðni getum við náð ótrúlegum árangri saman. Til hamingju öll með stórkostlegan dag – áfram við, sýnum áfram þennan flotta samstarfsanda í öllu sem við gerum!
Á myndinni má sjá sigurvegara dagsins sem koma úr röðum starfsmanna.
Þann 11. maí síðastliðinn var haldin upplestrarhátið í 4. bekk á sal skólans. Nemendur bekkjarins komu fram og lásu upp sögur og ljóð sem þau hafa æft af kappi síðan í febrúar. Þórarinn bókasafnskennari var til aðstoðar við þjálfun en hann leiðbeinandi einnig nemendur í 7. bekk fyrir upplestrarkeppnina þeirra. Allir nemendur tóku þátt í hátíðinni og foreldrum var boðið að koma og fylgjast með. Mætingin var mjög góð og allir voru hæst ánægðir með lestur barnanna.
Dagana 27. apríl til 10. maí fór fram lestrarátak/keppni í fyrsta til sjöunda bekk. Nemendur lásu heima og skráðu í læsisappið það sem þeir lásu og þann tíma sem lesið var á hverjum degi. Í lok keppninnar voru veittar viðurkenningar þeim sem lásu mest (voru með flestar mínútur) í hverjum bekk, sem og þeim bekk sem las samtals flestar mínútur. Verðlaunaafhendingin fór fram miðvikudaginn 13. maí og henni stjórnuðu kennararnir Finnur og Sólveig og fórst þeim það vel úr hendi.
Í sjöunda bekk las Ragnhildur Perla mest, í sjötta bekk var það Erna Tom, í fimmta bekk Frosti Snær. Mesti lestrarhesturinn í fjórða bekk var Dalila Coelho, í þriðja var það Arnar Freyr, í öðrum Fanney Margrét og í fyrsta bekk las Lóa Moor mest.
Sá bekkur sem hlaut viðurkenningu fyrir að hafa lesið samtals í flestar mínútur var 5. bekkur. Fyrsti bekkur hlaut sérstaka viðurkenningu fyrir framúrskarandi þátttöku allra í bekknum.
Við óskum öllum til hamingju með árangurinn!
Fulltrúar frá öllum þeim átta stjórnmálaflokkum sem eru í framboði í komandi bæjarstjórnarkosningum hafa verið að fara í heimsóknir í skólana á Akureyri. Þar eru þeir að kynna sig og flokk sinn og ræða við nemendur á unglingastigi. Fyrir fundinn fengu nemendur í nemenda- og réttindaráði tíma til að kíkja á stefnuyfirlýsingu flokkanna og undirbúa spurningar. Nemendur komu með vel ígrundaðar og margar hverjar krefjandi spurningar sem snerta bæði bæjarmál, þeirra nærumhverfi, menntamál auk þjóðfélagsmála. Í lokin fengu aðrir nemendur færi á að spyrja þeirra spurninga sem höfðu kviknað er þeir hlustuðu á umræðurnar. Eftir umræðurnar voru haldnar kosningar þar sem nemendur gátu kosið þann flokk sem þeim leist best á.
Nemendur lærðu mikið af undirbúningnum og fundinum og efldu skilning sinn á stjórnmálum, á meðan fulltrúar stjórnmálaflokkanna fengu að kynnast sjónarmiðum og hugsunum ungmenna. Hér má sjá fleiri myndir af fundinum.
Úrslit úr stjörnuleiknum voru kynnt á sal á í vikunni en þar voru sjö nemendur af þeim 49 sem fengu stjörnu í stjörnuleikum í ár sem voru dregnir út. Að þessu sinni var farið með nemendur í klifur og það var einstaklega skemmtilegt og allir tóku þátt. Síðan var smá hressing í boði skólans í Axels bakaríi. Sunna og Drífa sem starfa í SMT stýrihóp fóru með krökkunum. Hér má sjá fleiri myndir af vinningshöfum í stjörnuleiknum.
Viðurkenning var einnig veitt fyrir lífshlaupið en það voru nemendur í 1. bekk sem sigruðu skólakeppnina að þessu sinni. Skráð var niður hreyfing nemenda fyrstu tvær vikurnar í febrúar bæði á skólatíma og utan skóla. Í þessari keppni eru það hreyfimínútur sem keppt er um og hreyfingin sjálf getur verið af ýmsu tagi.
Föstudaginn 13. febrúar fór fram upplestrarkeppni í sjöunda bekk. Að þessu sinni var hún í íþróttasalnum sem var skreyttur í tilefni dagsins.
Nemendur hafa verið að æfa sig undanfarnar vikur og staðið sig með mikilli prýði.
Í keppninni sjálfri lásu nemendur í þrem umferðum. Í þeirri fyrstu brot úr sögunni Kennarinn sem hvarf eftir Bergrúnu írisi Sævarsdóttur; í annarri umferð lásu þau ljóð eftir Kristján frá Djúpalæk og í þeirri þriðju ljóð að eigin vali.
Þriggja manna dómnefnd valdi svo tvo nemendur til þátttöku í lokakeppninni sem verður í Brekkuskóla þann 10. mars næstkomandi.
Þær Kristrún Erla og Kristrún Lára urðu fyrir valinu að þessu sinni.
Óskum við þeim hjartanlega
til hamingju.
Fimmtudaginn 5. febrúar fara nemendur og starfsmenn Oddeyrarskóla upp í Hlíðarfjall og eyða morgninum þar úti við. Spáð er nokkru frosti svo mikilvægt er að vera vel klæddur. Þá þurfa nemendur að taka með sér gott nesti. Skóli er styttri en venjulega þennan dag og lýkur eftir að heim og komið og búið er að borða hádegismat. Frístund er opin.
Nemendur í 1. – 7. bekk mæta á venjulegum tíma kl. 8:10 en nemendur í 8. – 10. bekk mega mæta klukkan 8:30.
Árshátíð Oddeyrarskóla verður haldin fimmtudaginn 29. janúar. Að morgni eru sýningar fyrir alla nemendur skólans en eftir hádegi eru foreldrasýningar. Að þessu sinni verða sýningar tvær. Ekkert kostar inn á sjálfar sýningarnar en frjáls framlög á reikning nemendafélagsins eru vel þegin, 0302-13-000229, kt. 4509082580.
Fyrri sýning klukkan 14:30
Seinni sýning kl. 16:00
3. bekkur, 4. bekkur, 7. bekkur, 8. bekkur og 10. bekkur
Kaffisala foreldrafélagsins er eftir báðar sýningar. Við hvetjum alla til að staldra við og gæða sér á glæsilegum veitingum og styrkja þar með foreldrafélagið. Verð er 1500 krónur fyrir fullorðna og 500 krónur fyrir börn. Hægt er að kaupa miða á kaffihlaðborðið fyrirfram hjá ritara frá og með mánudeginum 26. janúar með því að mæta í skólann en stefnt er að því að fá posa að láni svo hægt sé að greiða með korti. Einnig má kaupa miða með því að leggja inn á reikninginn 0302-13-000229, kt. 4509082580, en þá er nauðsynlegt að senda póst til sunneva@oddeyrarskoli.is og þá er hægt að senda nemendur með miðana heim. Ekki er hægt að leggja inn vegna miðakaupa á sýningardegi og fá miða með þessum hætti þar sem foreldrar hitta ekki börn sín fyrir sýningar en foreldreldrafélagið verður líka með miðasölu um leið og afhending á brauði fer fram að morgni sýningardags.
Foreldrasýningar eru ekki ætlaðar fyrir nemendur þar sem þeir sjá öll atriði að morgni. Þá viljum við vinsamlegast biðja foreldra um að sitja í sal allan sýningartímann, ekki fara þegar búið er að horfa á atriði hjá sínu barni.
Þann 15. október var uppbrotsdagur í skólanum, fjölgreindardagur og þemað að þessu sinni var hrekkjavaka. Hefðbundin stundatafla var lögð til hliðar og nemendum skipt í hópa þvert á árganga þannig að í hverjum hóp voru nemendur frá 1. og upp í 10. bekk. Elstu nemendur í hverjum hóp voru hópstjórar og báru ábyrgð á að nemendur í þeirra hóp væru á réttum stað. Unglingarnir stóðu sig sérstaklega vel og voru yngri nemendum frábær fyrirmynd. Nemendur fóru á alls 10 stöðvar og voru mismundi verkefni í gangi á hverjum stað. Dagurinn gekk ljómandi vel og langflestir nemendur og starfsmenn ánægðir með tilbreytinguna og skemmtu sér vel. Í lokin söfnuðust allir saman í íþróttasalnum þar sem heilsueflingarnefnd skólans veitti viðurkenningu fyrir verkefnið göngum í skólann en bæði starfsmenn og nemendur tóku þátt. Þá var veitt viðurkenning á hverju stigi fyrir ÍSÍ skólahlaupið sem fram fór í september. Hér má sjá myndir frá deginum.
