Akureyrarbær stendur fyrir hæfileikakeppni í tengslum við Barnamenningarhátíð bæjarins. Hæfileikakeppnin er árlegur viðburður fyrir börn í 5. – 10. bekk og verður haldinn þann 22. apríl næstkomandi kl. 16-18.

Eins og orðið hæfileikakeppni gefur til kynna er um að ræða fjölbreytta keppni enda geta hæfileikar verið afar fjölbreyttir. Dæmi um atriði sem gætu skráð sig til leiks geta verið á sviði sönglistar, leiklistar, danslistar, töfrabragða og hljóðlistar svo eitthvað sé nefnt. Atriðin geta verið einstaklingsatriði, paraatriði eða hópatriði.

Viðburður eins og þessi getur verið vettvangur fyrir ungt fólk á Akureyri til þess að koma sér á framfæri en fyrst og fremst er um að ræða mikilvægan stökkpall fyrir einstaklinga til þess að stíga út fyrir þægindarammann sinn. Endilega skoðið þetta með börnunum ykkar og hjálpið þeim að skrá sig.

Skráning fer fram hér: https://eu.jotform.com/210744037735353 og hefur verið farmlengd til 20.apríl.

Réttindaskóli UNICEF er hugmyndafræði og hagnýtt verkefni sem tekur mið af Barnasáttmála Sameinuðu Þjóðanna. Í tengslum við innleiðingu Oddeyrarskóla sem Réttindakóli UNICEF tóku nemendur réttindaráðsins sig saman og útbjuggu þessa glæsilegu hugmyndakassa. Þessir hugmyndakassar eru hugsaðir sem leið fyrir nemendur skólans til þess að koma skoðunum sínum á framfæri.

Nemendurnir töldu það mikilvægt að hafa tvo kassa sem væru staðsettir á ólíkum stöðum í skólanum. Annar kassinn er staðsettur á móti bókasafninu, nálægt matsalnum og frístundinni. Þessi staðsetning varð fyrir valinu vegna þess að allir nemendur skólans ganga þá reglulega framhjá honum á hverjum degi, sem gerir hann einstaklega sýnilegan og aðgengilegan öllum. Hinn kassinn er staðsettur við borð ritara hjá starfsmanna inngangi skólans. Þessi staðsetning varð fyrir valinu vegna þess að hún býður upp á auðveldan aðgang nemenda að starfsfólki skólans ef þau þurfa aðstoð við að skrifa niður hugmyndirnar sínar og einnig til þess að bjóða upp á rými til þess að skila inn hugmyndum án mögulegra afskiptasemi samnemenda sinna.

Eftir vetrarfrí munu nemendur réttindaráðsins fara inn í bekkinn sinn og kynna hugmyndakassana. Stjórnendur skólans fara síðan reglulega yfir hugmyndirnar, skoða raunhæfar úrbætur og upplýsa nemendur um hvað er hægt að framkvæma, hvað ekki og hvers vegna.

Sveitakeppni grunnskóla í skák var haldin fyrir stuttu og mættu þrír skólar til leiks; Oddeyrarskóli, Brekkuskóli og Lundarskóli.  Það er skemmst frá því að segja að Oddeyrarskóli bar sigur úr býtum í sveitakeppni A en alls mætti átta nemendur úr Oddeyrarskóla til leiks þeir, Sigþór úr 9. bekk, Anton Breki og Leon úr 7.bekk, Tony úr 6. bekk og þeir Dominik, Frosti og Gaalad úr 6. bekk.   

Oddeyrarskóli býður foreldrum barna í 1.-5. bekk að taka þátt í einstöku námskeiði. Námskeiðið er á vegum Föruneyti barna hjá Miðstöð menntunar og
skólaþjónustu og Oddeyrarskóla. Námkeiðið heitir Tengjumst í leik (e. Invest in play). Leiðbeinendur eru Linda Rós Rögnvaldsdóttir verkefnastjóri og Margrét Th.
Aðalgeirsdóttir deildarstjóri. Markmiðið með námskeiðinu er að styrkja tengslin milli
foreldra og barna og skapa meira jafnvægi og gleði á heimilinu.

Námskeiðið hefst 26. janúar.

Starfsfólk Oddeyrarskóla óskar öllum nemendum, foreldrum og forráðamönnum ásamt öðrum velunnurum skólans gleðilegrar jólahátíðar með þökk fyrir samstarfið á árinu sem er að líða.

Skólahald hefst að nýju skv. stundaskrá þriðjudaginn 6. janúar. Frístund er opin 22. desember og 2. janúar fyrir þau börn sem búið er að skrá þann dag.

Í gær var haldin árleg hæfileikakeppni á sal sem nemendafélagið skipulagði. Nemendur eiga hrós skilið fyrir góða frammistöðu og hugrekki en áhorfendur stóðu sig einnig vel. Í þriðja sæti voru nemendur í 10. bekk þær Aysu og Erla sem sýndu dans, í öðru sæti var Eryk í 5. bekk sem spilaði á horn og í fyrsta sæti voru stúlkur í 4. bekk sem einnig sýndu dans. Hér má sjá myndir frá hæfileikakeppninni.

Það voru einnig veittar viðurkenningar fyrir svakalegu lestrarkeppnin og voru það nemendur í 2. bekk sem höfðu lesið flestar mínútur. 

Að venju var haldin hurðasamkeppni þar sem nemendur skreyta hurðirnar á kennslustofunum sínum. Dómnefnd valdi hurðir 3. 6. og 9. bekkjar sem flottustu jólahurðirnar. Hér má sjá myndir af hurðunum.

Oddeyrarskóli býður nú upp á námskeiðið Tengjumst í leik í þriðja skipti fyrir foreldra barna í 1. bekk. Foreldrar hafa verið ánægðir með námskeiðið.

Hér má lesa frétt á síðu Stjórnarráðsins um námskeiðið, þar sem foreldrar um 300 barna sækja námskeiðið Tengjumst í leik nú í haust.

https://www.stjornarradid.is/efst-a-baugi/frettir/stok-frett/2025/09/24/Tengjumst-i-leik-Foreldrar-300-barna-efla-samskipti-i-haust/

Einnig má lesa meira um verkefnið á síðu Miðstöðvar menntunar og skólaþjónustu.

https://island.is/s/midstod-menntunar-og-skolathjonustu/foeruneyti-barna

Í tilefni af árlegum degi læsis sem er 8. september, ákvað læsisnefnd skólans að fá nemendur til að skoða skrítin og skemmtileg orð. 

Fáeinum dögum fyrir dag læsis voru nemendur beðnir um að safna og skrifa hjá sér orð sem þeim þóttu skrítin og skemmtileg. Jafnvel ræða við ættingja sína og spyrja þá um orð. 

Á degi læsis sjálfan fengu nemendur svo miða þar sem þeir áttu að skrifa niður eitt orðanna sem þeir höfðu safnað og segja af hverju þeir völdu það. Miðarnir voru svo settir á vegg í kennslustofunni.

Ýmis skrítin og skemmtileg orð komu út úr þessari vinnu.

Oddeyrarskóli verður settur föstudaginn 22.ágúst. Skólasetning er þrískipt en nemendur mæta í íþróttasalinn og fara síðan í heimastofur í fylgd kennara. Foreldrar eru velkomnir með á skólasetningu.

2.-4. bekkur klukkan 9:00

5.-7. bekkur klukkan 9:30

8.-10. bekkur klukkan 10:00

Nemendur og foreldrar í 1.bekk mæta í viðtal hjá umsjónarkennara.