Hæfileikakeppni Oddeyrarskóla var haldin í dag, föstudaginn 2. desember. Að þessu sinni voru 24 atriði skráð til keppni og sýndu nemendur mikla og fjölbreytta hæfileika með uppistandi, söng, dansi, töfrabrögðum o.fl.

Veitt voru verðlaun fyrir sigurvegara á hverju stigi.

Það voru systurnar Ragnheiður Inga og Margrét Sóley Matthíasdætur í hljómsveitinni Blautir sokkar sem báru sigur úr býtum hjá yngsta stigi þegar þær fluttu frumsamið lag sitt, Oddeyrin rokkar! Á miðstigi sigruðu þær Kara Líf Antonsdóttir og Karen Ingimarsdóttir með stórskemmtilegu uppistandi. Davíð Máni Jóhannesson, nemandi og upprennandi rokkari í 10. bekk sigraði með flutningi sínum á frumömdu lagi, Pull of Zorrow.

Allir nemendur skólans komu og horfðu á og á meðan dómarar tóku sér hlé til að ráða ráðum sínum dönsuðu nemendur, kennarar og foreldrar við „Just dance“ – myndbönd.

Hér má sjá fleiri myndir frá hæfileikakeppninni.

Í gær var hátíðardagur í Oddeyrarskóla. Við héldum að vanda upp á Dag íslenskrar tungu, að þessu sinni með hátíðlegri athöfn í sal skólans.

Akureyrarbær skrifaði á síðasta ári undir þjóðarsáttmála um læsi. Þjóðarsáttmálinn hefur það markmið að öll börn geti við lok grunnskóla lesið sér til gagns. Við höfum í rúmlega ár verið að vinna að gerð nýrrar læsistefnu í samvinnu við aðra skóla á Eyjafjarðarsvæðinu. Hún felur í sér fjölbreytta nálgun á læsi, m.a. með auknum æfingum, vinnu með lesskilning, ritun og hið talaðaða mál. Oddeyrarskóli hefur á þessi ári lagt megináherslu á samræður og hugtakaskilning samhliða því að vinna stöðugt að því að vekja áhuga nemenda á því að lesa fjölbreyttan texta.

Þegar við vorum á kafi í þessari vinnu og leit að betri leiðum kom Svanhildur Daníelsdóttir fyrrverandi aðstoðarskólastjóri með hugmynd sem ekki var staðist. Hún sýndi okkur mynd af bókahillum úr stöfum sem mynduðu orðið „R E A D“ og um leið hvatti hún okkur til að taka hugmyndina lengra og að sjálfsögðu á íslensku. Það stóð ekki á viðbröðgunum og nú, tæpu ári síðar, prýða hillurnar anddyri skólans og þjóna þeim megintilgangi að auka áhuga nemenda á lestri bóka.

Til að þessi draumur gat orðið að veruleika fengum við ýmsa styrki, t.a.m. frá Blikk- og tækniþjónustunni og Pólýhúðun, en þessi fyrirtæki önnuðust gerð hillanna. Skólinn fékk veglegan styrk frá útskriftarnemendum síðasta vors, en þau færðu skólanum peningagjöf í kveðjuskyni. Jafnframt fékk skólinn styrk frá Byko.

Nauðsynlegt er að auka bókakost skólans við svona tækifæri. Unnur Vébjörnsdóttir formaður foreldrafélagsins, stóð fyrir söfnun í fyrirtækjum á svæðinu og færði hún í dag skólanum 200.000 kr. til bókakaupa. Einnig fengum við 50.000 króna styrk til bókakaupa frá Akureyrarapóteki.

Við í Oddeyrarskóla færum öllum þeim sem komið hafa að þessu upplífgandi verkefni okkar bestu þakkir.

Það er einstaklega dýrmætt þegar starfsfólk skólans, fyrrverandi starfsfólk, nemendur, foreldrar og samfélagið allt bera svo hlýjan hug til skólans að þeir eru tilbúnir til að leggja á sig auka vinnu eða fjármagn til að glæða skólasamfélagið og gleðja nemendur okkar – og okkur öll!

Hér má sjá tengil á vef Akureyrarbæjar þar sem fjallað er um lestrarhilluna okkar.

Hér má sjá fb færslu Blikk- og tækniþjónustunnar með myndum.

Komið þið sæl.

Viljum minna á að skráningar í stakar máltíðir  í desember þurfa að berast  fyrir  21. nóvember inn á matartorg.is eða hafa samband við skólann.

Þann 8. desember er pizza í matinn og þann 14. desember er jólamaturinn – reykt svínakjöt, brúnaðar kartöflur og tilheyrandi.

Þessar máltíðir verður hægt að kaupa stakar kr. 600.- pr. máltíð og þarf að skrá í þær fyrir 2. desember og greiða hjá ritara skólans eða matráð.

Einnig minnum við á að ef skrá á nemendur í frístund í jólaleyfinu að skrá fyrir 21. nóvember.

Litlu-jól nemenda eru 20. desember og fara nemendur í jólaleyfi að þeim loknum.  Skólinn hefst aftur 3. janúar á nýju ári.

Hægt er að senda tölvupóst á ritara kh@akmennt.is eða Sigrúnu sigrung@akmennt.is.

Með bestu kveðju

Kristín ritari.

Næstkomandi miðvikudag, þann 16. nóvember, höldum við Íslendingar upp á dag íslenskrar tungu. Okkur þótti vel við hæfi að vígja nýju lestrarhvetjandi bókahillurnar okkar á þessum degi, þar sem ritun og lestur góðra bóka er lykillinn að því að viðhalda fallegu íslenskunni okkar.

Af þessu tilefni verður efnt til hátíðardagskrár á sal skólans kl. 9-10, en þar munu m.a. nemendur stíga á stokk.

Þar sem við erum að halda hátíð hvetjum við nemendur og starfsfólk til að mæta í betri fötunum þennan dag.

Krakkarnir í 3. og 4. bekk eru á fullu að  vinna með Harrý Potter og viskusteininn. Þau eru búin að horfa á myndina og síðan erum við að lesa bókina sem nestissögu. Þau eru að vinna í heimavistarhópum að ýmsum verkefnum, t.d. búa til töfradrykki, skrifa galdraþulur og búa til skjaldamerki fyrir hópinn sinn.

Í gær fengum við góðan gest til okkur, Völu mömmu hans Skúla í 3.bekk. Hún fræddi okkur um kvikmyndatónskáldið John Williams en hann samdi einmitt tónlistina í Harrý Potter og viskusteinninn. Hann hefur samið tónlist í mörgum öðrum kvikmyndum og fengum við að hlusta á nokkur tóndæmi úr þeim myndum. Virkilega áhugaverð og skemmtileg kynning.

Þessa vikuna vinnum við í Oddeyrarskóla hörðum höndum að því að móta okkur heilsustefnu vegna  innleiðingar á heilsueflandi grunnskóla. Helstu aðilar skólasamfélagsins koma að vinnunni,  allur starfsmannahópurinn vann í stefnumótun á starfsmannafundi í gær og nemendur í 7. – 10. bekk verða beðnir um að leggja okkur lið, enda þeirra sýn bráðnauðsynleg í þessa umræðu. Foreldrar mættu í skólann á súpufund í gærkvöld og áttu málefnalegt og gott spjall sem mun sannarlega nýtast í áframhaldandi vinnu við heilsustefnuna.

Í framhaldinu tekur stýrihópur um heilsueflandi grunnskóla við keflinu og setur saman drög að stefnu sem lögð verður fyrir starfsmannafund og skólaráð til samþykktar.

Vinna með rúmmál á fjölgreindardegi

Nemendur í 9. bekk vinna með ummál hrings.

Talnamynstur í 8. bekk

Nemendur í 10. bekk að gera launaútreikninga í töflureikni

Undanfarið hafa nemendur á unglingastigi unnið fjölbreytt verkefni í stærðfræði. Verkefnin voru margvísleg og eru gerð til að efla skilning nemenda á stærðfræði, tengja stærðfræðina við umhverfið og skapa fjölbreytni. Á myndunum sjást nemendur í 9. bekk vinna með ummál og flatarmál hringa, nemendur í 10. bekk vinna að fjárhagsáætlun og launaútreikninga í töflureikni og nemendur í 8. bekk í teningaspili sem reyndi á jákvæðar, neikvæðar tölur og röð aðgerða. Auk þess unnu nemendur á fjölgreindardegi verkefni sem reyndu á rúmmál og þrívídd.

Í dag voru haldnar Krakkakosningar í Oddeyrarskóla, hjá mið- og unglingastigi. Nemendur höfðu fengið kynningu frá öllum flokkum sem eru í framboði til Alþingiskosninga. http://krakkaruv.is/krakkakosningar

Nemendur voru áhugasamir og fannst mjög spennandi að taka þátt í þessum kosningum. Útbúinn var kjörstaður og settir upp kjörklefar. Nemendur fóru í sína kjördeild, gáfu upp fullt nafn og heimilisfang og fengu afhenda kjörseðla. Nemendur í 10. bekk sáu um að manna kjörstað og fengu m.a. þau hlutverk að taka á móti nemendum, vísa til sætis og bjóða nemendur velkomna. Nemendur í 10. bekk hafa í þjóðfélagsfræði unnið stórt verkefni um stjórnmál og tengist vinna þeirra m.a. kosningunum í dag.

Þetta gekk mjög vel og voru nemendur mjög ánægðir í lok kosninganna. Niðurstöður verða sendar inn á krakkarúv og úrslit allra krakkakosninga tilkynnt í sjónvarpinu á kosningadag.

Hér má sjá stutt myndbrot frá kosningunum.

https://drive.google.com/open?id=1DNPFVGg4raIlx_ydPkMrnwbj2KSFoUAW-Q

Nemendur kjósa í kjördeild 9 og 10.

Kosið í kjördeild 7 og 8.

Yfirkjörstjórn í Oddeyrarskóla vegna krakkkosninga RÚV 2016

Börn yngri en 7 ára mega alls ekki vera úti í almennri umferð á reiðhjóli nema þau séu undir leiðsögn og eftirliti 15 ára eða eldri.

1. Nemendur mega koma á hjóli í skólann frá sjö ára aldri samkvæmt landslögum.
2. Nemandi sem kemur á hjóli í skólann gerir það á ábyrgð foreldra / forráðamanna sem skulu meta færni og getu barnsins sem og aðstæður til að hjóla í skólann.
3. Nota skal viðeigandi öryggisbúnað.
4. Ekki má nota reiðhjól eða hlaupahjól í frímínútum eða meðan á skólastarfi stendur. Þegar komið er á hjóli í skólann á að geyma það læst á skólalóðinni í eða við hjólagrindur.
5. Skólinn ber enga ábyrgð á hjólum. Þjófnað eða skemmdarverk má tilkynna til lögreglu.

      Viljum minna á starfs- og viðtalsdaga miðvikudaginn 19. og fimmtudaginn 20. október.

                 Haustfrí nemenda verður síðan  föstudaginn 21. og mánudaginn 24.október.

                    Hafið það gott og njótið vel.