Í ár eru 80 ár liðin frá stofnun íslenska lýðveldisins. Af því tilefni hafa fulltrúar Alþingis heimsótt skóla á landsbyggðinni undir merkjum Lýðræðislestarinnar og sett upp hlutverkaleikinn Skólaþing fyrir nemendur í 10. bekk.

Nemendur í 10. bekk Oddeyrarskóla fengu í morgun heimsókn og settu sig í spor þingmanna og tóku afstöðu til lagafrumvarps um herskyldu.

Eftir þingfundi og breytingartillögur var samþykkt með minnsta mögulega mun 11 á móti tíu að stofna her sem fólk gæti sótt um að að vera í og fengi greitt fyrir en að ekki væri skylda að ganga í. 

Umræður á milli nemenda hélt áfram fram eftir degi og augljóst að allir höfðu bæði gagn og gaman af. 

Foreldrafélag skólans kom færandi hendi í vikunni með veglega bókagjöf en þar voru um 30 bókatitlar og eitthvað sem hentar öllum aldurshópum. Þá gaf foreldrafélagið tíu skákklukkur og poolborð sem staðsett verður í Stapa þannig að unglingar hafa aðgang að því í frímínútum. Það er kærkomin viðbót við afþreyingarefni í símafríi á unglingastigi.

Í morgun fengu nemendur skólans óvænta en ánægjulega heimsókn þegar tveir lögregluþjónar birtust fyrir klukkan átta. Þeir fóru í gönguferð um skólann og heilsuðu upp á nemendur sem mættir voru og gáfu sig á tal við þá. Forvitni nemenda var vakin og margir höfðu áhuga á að spyrja ýmissa spurninga og löggan var mjög svo til í spjall við nemendur. Margir veltu fyrir sér tilefni og af hverju þeir væru inni í skólanum og hvort einhverjir hefðu gert eitthvað af sér en sú var nú ekki raunin. Heimsóknin var bara á jákvæðum nótum og fyrst og fremst að sýna sig og sjá aðra. Þeir eru búnir að fara í einhverja skóla í bænum og stefnan að fara í fleiri. Lögreglan fer alltaf hring á bíl í nágrenni grunnskóla á morgnana en þetta var skemmtileg viðbót og tilbreyting og vonandi eitthvað sem hægt er að gera oftar.

Nemendur á unglingastigi eru að vinna þemaverkefni um jafnrétti. Sem kveikja að verkefninu komu þær Maríu og Freydís með jafningjafræðslu en þær eru meðlimir í FemMA,  Femínistafélag Menntaskólans á Akureyri. 

Hverfisfundur verður í matsal Oddeyrarskóla fimmtudaginn 19. september kl. 17.00. Gangið inn um aðaldyr að sunnan (í þriggja hæða byggingunni).

Boðið verður upp á barnahorn og grillaðar pylsur 😊 Þarna fá íbúar tækifæri til að hafa áhrif á sitt nærumhverfi með beinu samtali við bæjarfulltrúa.

Sjá nánar hér: https://www.akureyri.is/is/frettir/byrdu-i-naustahverfi-hagahverfi-eda-a-oddeyri

Í tilefni af alþjóðlegum degi læsis, þann 8. september, hefur Félag læsisfræðinga á Íslandi tekið saman upplýsingar með ráðleggingum um mikilvægi heimalestrar og hvernig nýta má gagnvirkan lestur til að efla lesskilning. Við hvetjum foreldra til að kynna sér ráðleggingarnar, þær eru einfaldar og aðgengilegar.

Stuðningur við heimalestur

Lesskilningsaðferðin gagnvirkur lestur

Mikilvægi þess að lesa fyrir börn

Tengjumst í leik (e. Invest in play) er námskeið fyrir foreldra og forráðamenn barna þar sem áhersla er lögð á jákvæð samskipti og samveru foreldra og barna í gegnum leik. Með því myndast góð tengsl milli foreldra og barna og samband þeirra styrkist. Efni og innihald námskeiðsins er byggt á gagnreyndum aðferðum og rannsóknum á alþjóðlegum vettvangi.

Rannsóknir hafa sýnt að börn sem eiga foreldra sem setið hafa námskeiðið öðlast aukið sjálfstraust, tilfinningalæsi og félags- og námsfærni. Foreldrafræðslan Tengjumst í leik hefur því margþættan ávinning fyrir börn, foreldra og samfélagið í heild. 

Oddeyrarskóli heldur námskeið fyrir foreldra barna í 1. bekk þeim að kostnaðarlausu. Námskeiðið er unnið í samvinnu við þróunarverkefnið Föruneyti barna – samstarfs um stuðning við uppeldi og nám á vegum Menntavísindasviðs Háskóla Íslands og Barna- og menningarmála ráðuneytisins. Nánar má lesa um verkefnið hér.

Markmið námskeiðsins er að valdefla foreldra í uppeldishlutverki sínu. Námskeiðið er 12 vikur, og mun hefjast í 3. viku september, kennt er vikulega tvær klst. í senn. Foreldrar fá handbók og æfingabók á íslensku eða ensku, sem unnin er samhliða handleiðslu. Kennarar á námskeiðinu eru þær Linda Rós verkefnastjóri velferðar og Margrét deildarstjóri yngri deildar en þær sóttu leiðbeinendanámskeið hjá Invest in play nú á haustdögum og hafa víðtæka reynslu af foreldrasamstarfi.

Skólasetning verður í Oddeyrarskóla 22. ágúst. Við þrískiptum setningu en nemendur mæta í íþróttasalinn og fara síðan í heimastofur í fylgd kennara. Foreldrar eru velkomnir með á skólasetningu.

2. – 4. bekkur klukkan 9:00

5. – 7. bekkur klukkan 9:30

8. – 10. bekkur klukkan 10:00

Nemendur og foreldrar í 1. bekk mæta ekki á skólasetningu en fara í viðtal hjá umsjónarkennara.

Nú er farið að styttast í lok þessa skólaárs og í næstu viku verður ýmislegt uppbrot í gangi. Óþarfi er að mæta með skóladót þessa daga en það þarf gott nesti og föt sem henta veðri. Veðurspá er því miður það slæm að við þurfum að draga úr fyrirhugaðri útiveru en breytt dagskrá flyst þess í stað inn í skóla. Dagskráin er eftirfarandi:

3. júní vordagur – UNICEF áheitahlaup – Hér er slóð til að leggja inn styrk og að því loknu stuttar ferðir innanbæjar eða uppbrot inni í skóla. Skólalok skv. stundaskrá.

4. júní vordagur – stuttar ferðir innanbæjar og/eða uppbrot inni í skóla. Skólalok skv. stundaskrá.

5. júní Oddóleikar – leikir og þrautir á skólalóðinni eða inni eftir aðstæðum. Koma með handklæði og aukaföt ef það viðrar til útiveru. Skóla lýkur um hádegi hjá nemendum.

6. maí skólaslit, mæting á sal skólans.

• kl. 9.00 hjá 1. – 7. bekk,

• kl. 14:30 hjá 8. – 10. bekk. Á eftir er kaffi og meðlæti í boði skólans fyrir nemendur og nánustu aðstandendur útskriftarnemenda í 10. bekk

Skóli verður settur aftur fimmtudaginn 22. ágúst kl. 9:00 en þá mæta allir nemendur nema þeir sem fara í 1. bekk.

Nú hefur skóladagatal næsta árs verið samþykkt og má sjá hér

Skóladagatal Oddeyrarskóla 2024-2025