Dagur íslenskrar tungu var haldinn hátíðlegur á unglingastiginu í dag.

Nemendur í 8. bekk fóru í Brekkuskóla og nemendur í 9. bekk fóru í Síðuskóla, þar sem þeir héldu ræður um hin ýmsu málefni.  Það er skemmst frá því að segja að kennarar voru hæstánægðir með sitt fólk. Það stóð sig með mikilli prýði.

Nemendur í 10. bekk fóru upp í háskóla þar sem haldin var hátíðardagskrá í boði Íslenskrar málnefndar og Mjólkursamsölunnar. Ari Eldjárn var kynnir auk þess sem hann skemmti gestum á sinn einstaka hátt.  Einnig fluttu menntamálaráðherra og fulltrúi mjólkursamsölunnar ávarp. Framlag nemenda úr 10. bekk grunnskólanna á Akureyri var mjög fjölbreytt og skemmtilegt.  Nemendur úr 10. bekk Oddeyrarskóla voru sér og sínum til mikils sóma.

Í dag, föstdaginn 15. nóvember fengum við góða gesti hingað í skólann.

Menntamálaráðherra, Illugi Gunnarsson og tveir starfsmenn Menntamálaráðuneytisins komu til okkar ásamt fræðslustjóra og formanni skólanefndar Akureyrarbæjar og kynntu sér íslenskukennslu í 1.-4. bekk. Þau fengu kynningu á því hvernig unnið er í byrjendalæsi í Oddeyrarskóla og einnig sáu þau nemendur 4. bekkjar vinna íslenskuverkefni í anda aðferðarinnar „leikur að læra“. Að loknum heimsóknum í bekk spjallaði Illugi við nokkra kennara og stjórnendur skólans.

Einnig heimsótti rithöfundurinn Dagbjört Ásgeirsdóttir nemendur í 1. – 4. bekk og las úr bók sinni Gummi og dvergurinn úrilli fyrir nemendur og höfðu nemendur virkilega gaman af.

Myndir frá heimsóknunum má sjá á myndasíðu skólans, tengill hér til vinstri.

Undanfarnar þrjár vikur hafa nemendur í 7. bekk unnið að ferðaskrifstofuverkefni í samfélagsfræði. Verkefnið var unnið  í samvinnu við Særúnu kennaranema. Nemendur völdu sér land í Evrópu og unnu verkefni í tengslum við það. Lokaafurðin var ferðaskrifstofusýning þar sem foreldrum var boðið að koma og sjá afraksturinn. Nemendur buðu upp á ýmsar kræsingar sem tengdust löndunum sem þeir fjölluðu um.

Í boði voru draumaástir til Frakklands, æðiferð til Eistlands, skemmtiferð til Danmerkur, matarferð til Ítalíu og brúðkaupsferð til Grikklands. Fleiri myndir frá sýningunni má sjá á myndasíðu skólans (hlekkur hér til vinstri).

Ný tengja er komin í loftið en í henni má sjá ýmsar fréttir úr skólalífinu. Tengju nóvembermánaðar og eldri Tengjur má finna undir tenglinum Tengja.

Minnum nemendur og foreldra á að fylla út frammistöðumat í Mentor fyrir mánudaginn 18. nóvember. Viðtalsdagar verða miðvikudaginn 20. nóvember og fimmtudaginn 21. nóvember.

Nemendur í 6. bekk verða með vöfflur og kaffi/djús til sölu í matsal skólans en ágóðinn fer í Reykjaferð á næsta skólaári.

Ný aðalnámskrá boðar talsverðar breytingar og uppstokkun á starfsháttum og inntaki náms á Íslandi. Af þeim sökum standa samtökin Heimili og skóli fyrir kynningarfundum víðs vegar um landið árið 2013 þar sem foreldrum er boðið að koma og fræðast um nýja námskrá.

Á kynningunum verður farið í eftirfarandi atriði:

• Grunnþættir menntunar
• Ný og fjölbreytt vinnubrögð
• Hæfni og lykilhæfni
• Nýtt námsmat
• Skörun hæfniþrepa

Fundurinn verður haldinn þriðjudaginn 5. nóvember kl. 18 á sal Brekkuskóla á Akureyri.

Samhliða fundunum útbúum við fjölbreytt fræðsluefni sem við birtum á vef samtakanna (www.heimiliogskoli.is/adalnamskra) og bendum á annað gagnlegt efni.

Ljósmyndirnar sem teknar voru af nemendum í byrjun október eru komnar í skólann og tilbúnar til afhendingar.

Verðið er 4500 kr. fyrir hópmynd af bekknum í str. 20x25cm og 3 einstaklingsmyndir (1stk. 13×18 og 2 stk. 10×15 cm). Ef foreldrar eiga fleiri en tvö börn í skólanum greiða þeir aðeins fyrir tvö börn, þ.e. 9000 kr.

Myndirnar fást afhentar hjá Kristínu ritara skólans til 8. nóvember gegn greiðslu með peningum eða með því að leggja inn á reikn. 545-14-404652 kt. 190179-3549 og framvísa kvittun þegar myndir eru sóttar. Einnig má koma í skólann og skoða myndirnar áður en ákvörðun er tekin, en því miður verður ekki hægt að skoða myndirnar á netinu.

Allar nánari upplýsingar fást hjá Írisi ljósmyndara með því að senda tölvupóst á  iris@infantia.eu

Opið er í félagsmiðstöðinni Trjóju sem hér segir:

• Mánudaga 19:30-21:30 í Tróju.
• Þriðjudaga 19:30-21:30 í Naustaskóla.
• Miðvikudaga 16:30-18:30 eingöngu fyrir 7. bekkinga í Tróju.
• Miðvikudaga 19:30-21:30 í Tróju.
• Á fimmtudögum er klúbbakvöld frá klukkan 19:30 til 21:30.
• Engin sérstök dagopnun er í gangi en unglingar eru alltaf velkomnir í Tróju svo framalega sem starfsmaður er á svæðinu.
• Fyrsta þriðjudag í mánuði er opnun fyrir 5.-7. bekk frá 16:30-18:00 í Tróju og í Naustaskóla.

Á tenglinum hér til vinstri má finna nánari upplýsingar um félagsmiðstöðina Tróju.

Foreldrar vinsamlegast ath. að matseðill f. nóvember er kominn inn á heimasíðuna undir tenglinum matseðlar.  Skráning fyrir þá sem ekki eru í annaráskrift er til 2o. nóvember. Vinsamlegast skráið börnin fyrir þann tíma eða hafið samband við ritara.

Í dag byrjar 100 miða leikurinn en hann tengist SMT skólafærninni. Við prófuðum þennan leik í fyrra og hann vakti ánægju meðal nemenda og starfsmanna. Næstu 10 daga útdeila tveir starfsmenn á dag stjörnum til nemenda fyrir að sýna góða skólafærni. Starfsmenn hrósa nemendum jafnframt, svo þeir vita hvers vegna þeir hafa unnið til stjörnunnar. Nemendur fara síðan til ritara sem skráir tilefnið og sendir póst til foreldra. Nemendur draga einnig númer á bilinu 1-100.

Að tíu dögum liðnum fara allir nemendur á sal þar sem dregin er út ein lína, lóðrétt eða lárétt, og útvaldir fá að gera sér glaðan dag með skólastjóra.