Við stefnum á útivistardag í Hlíðarfjalli 1. mars nk. ef veður og aðstæður leyfa. Nemendur yngsta stigs fara líka í Fjallið en ekki í Kjarnaskóg eins og til stóð. Fylgist með á heimasíðunni á mánudagsmorgun. Ef ekki viðrar til útiveru verður hefðbundinn skóladagur og sund hjá flestum bekkjum.

Okkur í 10. bekk langaði til að minna á öskudagsböllin hér í Oddeyrarskóla á öskudaginn, en þau verða tvö. 

Þar sem að öskudagurinn verður með töluvert öðru sniði þetta árið er ekki um að gera að skella sér á ball í sínum skóla, koma í skemmtilegum búning, dansa, fara í leiki og kannski eitthvað fleira?

Það kostar 500 krónur inn og það verður sjoppa á staðnum.

Böllin verða á eftirfarandi tímum:

1. – 3. bekkur frá 13:00-14:30

4. – 6. bekkur frá 15:00 – 16:30

Kær kveðja,

10. bekkur.

Á heimasíðu MAK má finna skemmtilega frásögn af heimsókn krakkanna í 4. bekk:

„Þetta var óvænt ánægja í morgunsárið,“ segir Kristín Sóley Björnsdóttir viðburðastjóri Menningarhússins Hofs sem fékk heldur betur skemmtilega heimsókn í vinnuna í morgun þegar fjórði bekkur Oddeyrarskóla, ásamt kennurum sínum, afhenti teikningar í þakklætisskyni fyrir skemmtilega heimsókn í Hof þar sem þau upplifðu tónleikasýningu Tónlistarfélags Akureyrar Stúlkuna í turninum.

„Það var virkilega gaman að fá þessar fallegu teikningar frá þessum glaða og ánægða áheyrendahópi úr Oddeyrarskóla en þau voru hluti af 1100 börnum sem komu í hús við þetta tækifæri,“ segir Kristín Sóley.

Stúlkan í turninum var samstarfsverkefni Tónlistarfélags Akureyrar, List fyrir alla, Menningarhússins Hofs og Sinfóníuhljómsveitar Norðurlands. „Við hlökkum öll til að skoða myndirnar enn betur og ekki síður að fá þessa flottu krakka aftur í hús við fyrsta tækifæri.“

Miðvikudaginn 10. febrúar fór fram undankeppni þar sem fulltrúar Oddeyrarskóla í lokakeppni stóru upplestrarkeppninnar voru valdir. Margir nemendur tóku þátt og stóðu sig með stakri prýði. Þá voru nemendur bekkjarins í heild til fyrirmyndar sem áheyrendur og hefði mátt saumnál detta þann tíma sem keppnin fór fram. Fjóla, Þórarinn og Helga voru dómarar. Fulltrúar Oddeyrarskóla í lokakeppninni verða Arney, Helgi og Gunnar til vara.

Það var kærkomin gjöfin sem börnin færðu Þórarni á bókasafninu í morgun fyrir hönd foreldrafélagsins, en um var að ræða fjöldan allan af nýjum barna- og unglingabókum. Við þökkum kærlega fyrir þessa góðu gjöf og munum svo sannarlega njóta þess að lesa, skoða og ræða saman um efni bókanna.

Matseðill fyrir febrúar er kominn inn á heimasíðuna. Eldri matseðla og upplýsingar um Matartorg má finna hér.

Ákveðið hefur verið að fresta árshátíð skólans sem fyrirhuguð er skv. skóladagatali laugardaginn 23. janúar. Þess í stað stefnum við á árshátíð föstudaginn 16. apríl og laugardaginn 17. apríl og vonum að þá verði búið að rýmka samkomutakmarkanir en við lögum okkur að þeim reglum sem verða í gildi á þeim tíma. Eftir sem áður verður skipulagsdagur mánudaginn 25. janúar.

Matseðill fyrir janúar er kominn inn á heimasíðuna með fyrirvara um breytingar vegna óvissuástands. Eldri matseðla og upplýsingar um Matartorg má finna hér.

Skólinn hefst á morgun kl. 8:10 skv. stundaskrá nemenda og vonandi verður hægt að halda skipulaginu en það er eins og allir vita háð því að covid19 smit blossi ekki upp á ný. Það nota allir venjulega innganga, þ.e. yngsta stig kemur inn austast og nemendur í 5. bekk og eldri inn um aðalinngang á suðurhlið. Allir nemendur eiga kost á að kaupa mat í mötuneyti og verða matmálstímar skv. stundaskrá. Boðið verður upp á hafragraut frá kl. 7:45-8:05. Frístund er opin fyrir nemendur í 1. – 4. bekk.