Matseðill fyrir febrúar er kominn inn á heimasíðuna. Eldri matseðla og upplýsingar um Matartorg má finna hér.

Ákveðið hefur verið að fresta árshátíð skólans sem fyrirhuguð er skv. skóladagatali laugardaginn 23. janúar. Þess í stað stefnum við á árshátíð föstudaginn 16. apríl og laugardaginn 17. apríl og vonum að þá verði búið að rýmka samkomutakmarkanir en við lögum okkur að þeim reglum sem verða í gildi á þeim tíma. Eftir sem áður verður skipulagsdagur mánudaginn 25. janúar.

Matseðill fyrir janúar er kominn inn á heimasíðuna með fyrirvara um breytingar vegna óvissuástands. Eldri matseðla og upplýsingar um Matartorg má finna hér.

Skólinn hefst á morgun kl. 8:10 skv. stundaskrá nemenda og vonandi verður hægt að halda skipulaginu en það er eins og allir vita háð því að covid19 smit blossi ekki upp á ný. Það nota allir venjulega innganga, þ.e. yngsta stig kemur inn austast og nemendur í 5. bekk og eldri inn um aðalinngang á suðurhlið. Allir nemendur eiga kost á að kaupa mat í mötuneyti og verða matmálstímar skv. stundaskrá. Boðið verður upp á hafragraut frá kl. 7:45-8:05. Frístund er opin fyrir nemendur í 1. – 4. bekk.

Matseðill fyrir desember er kominn inn á heimasíðuna með fyrirvara um breytingar vegna óvissuástands. Eldri matseðla og upplýsingar um Matartorg má finna hér.

Hér er búið að taka saman góðar hugmyndir og ráð fyrir foreldra og börn á tímum Covid. Þetta eru góð og gild ráð þó ekki sé Covid og um að gera að nýta sér þessar hugmyndir þegar fjölskyldan er saman heima .

Við minnum á næsta skipulagsdag sem verður þriðjudaginn 17. nóvember en þá eru nemendr í fríi.

Frístund verður opin frá 7:45-16:15

Í tilefni baráttudags gegn einelti fengu nemendur 1. bekkjar afhentar húfur sem á stendur „Gegn einelti“. Þetta er í fimmta sinn sem við í Oddeyrarskóla gerum þetta en starfsmenn prjónuðu húfurnar. Húfurnar eru merktar hverju barni og hver þeirra er með sína liti og eru þær fjölbreytilegar í útliti eins og nemendahópurinn. Þennan dag voru einnig sungin vinalög og verður nóvember mánuður tileinkaður vináttunni. 

Skólastarf gengur vel þrátt fyrir að aðgerðir séu á neyðarstigi vegna veirufaraldursins. Engu að síður er staðan í einstaka skólum sú að margir starfsmenn eru í sóttkví og getur verið nokkuð snúið að halda úti skólastarfi. Eins og staðan er nú þá má lítið út af bregða svo ekki þurfi að loka einstaka deildum í leikskólum eða senda nemendahópa heim í grunnskólum vegna manneklu. Til þess getur þó komið með skömmum fyrirvara að biðja þurfi foreldra yngstu barnanna í leik- og grunnskólum að sækja börnin eða senda eldri nemendur heim. Starfsfólk skólanna biður því fólk um að sýna því skilning ef til þess kemur því þetta er síðasta úrræðið sem gripið er til og þá í algjörum undantekningartilvikum.

Með kveðju,

Karl Frímannsson
sviðsstjóri fræðslusviðs Akureyrarbæjar