Í byrjun júní fór fram áheitahlaup þar sem safnað var til styrktar börnum sem búa við skert lífsgæði. Samtals söfnuðust 220798 krónur sem ýmist voru lagðar inn á reikning söfnunarinnar eða komu í umslagi í skólann. Þessa fjármuni er hægt að nota t.d. til kaupa á leikföngum og námsgögnum og til auka aðgengi að hreinu vatni og næringu. Einnig til kaupa og varðveislu bóluefna og lyfja. Kærar þakkir allir sem tóku þátt.

Miðvikudaginn 2. júní voru viðurkenningar fræðsluráðs afhendar í Brekkuskóla. Að þessu sinni hlutu starfsmenn af unglingastigi, þau Sissa, Rakel, Þórarinn, Jónas og Sigrún viðurkenningu fyrir ÞEMA á unglingastigi en þar er um að ræða samþættingu kennslugreina í heildstæð þemaverkefni. Jói húsvörður hlaut viðurkenningu fyrir jákvæðni og vel unnin störf og hjá nemendum var það Arney í 7. bekk sem fékk viðurkenningu fyrir að vera góð fyrirmynd sinna jafnaldra.

Á dögunum fóru nemendur í 6. bekk í siglingu með Húna II og fengu fræðslu um lífríki sjávar og margt fleira ásamt því að fá að renna færum fyrir þann gula.

Undanfarna daga hefur 2. bekkur verið að vinna verkefni tengd eldgosum og hér má sjá hluta af afrakstrinum:

Við krakkarnir í 10. bekk Oddeyrarskóla erum í fjáröflun fyrir skólaferðalagið okkar, og af því tilefni ætlum að halda rafrænt bingó fimmtudaginn 6. Maí klukkan 20:00.

Við munum streyma útsendingunni þegar að við hefjum fjörið og þið munið fá upplýsingar um það þegar að nær dregur, þ.e. þið sem að kaupið ykkur spjald, sem að mun kosta 1000.- 😉

Það sem þú þarft að gera er að leggja inná reikning, 0302-13-300610, kt. 450908-2580 og setja emailið þitt í skýringu, eða senda kvittun á bingo@oddeyrarskoli.is og þá færðu sent rafrænt bingóspjald fyrir klukkan 20 þann 6. maí.

Það eru geggjaðir vinningar og má þar á meðal finna, flug fyrri tvo til Grímsey, gisting fyrir tvo í Grímsey, hvalaskoðun bæði hér á Akureyri og á Húsavík, hellingur af gjafabréfum eins og t.d. í sjóböðin, jarðböðin, B. Jensen, Lindex, Lemmon, Brynju, Ísbúðin og fleiri og fleiri. Einnig er að finna vinninga frá Elko, Casa, Tiger, Kaffibrennslunni, Nonna Travel og fleirum og fleirum.

Hlökkum til að „sjá“ ykkur sem flest og hvetjum alla til að gera sér glaðan dag og spila smá bingó með okkur.

Kær kveðja,

10. bekkur Oddeyrarskóla

Þar sem aðgangur foreldra er takmarkaður að skólanum þessa dagana ætlum við að prófa að auglýsa eftir eigendum þessara flíka á heimasíðunni.

Hægt er eða skoða stórar myndir af öllum óskilamunum með því að smella hér.

Börnin geta svo sótt fötin sín á borðtennisboðið á ganginum þeirra.

Vinsældir rafhlaupahjóla hafa aukist að undanförnu hér á landi og hefur Samgöngustofa tekið saman upplýsingar um notkun þeirra og öryggi á www.samgongustofa.is/rafhlaupahjol. Við hvetjum foreldra til að ræða við börn sín, fara yfir fræðsluefnið og taka þetta til umræðu heima fyrir.

Fræðslumyndband um rafhlaupahjól á íslensku, með enskum texta og með pólskum texta.

Einblöðungar á íslensku, ensku og pólsku.

Kahoot! spurningakeppni um rafhlaupahjól:

Matseðill fyrir apríl er kominn inn á heimasíðuna. Eldri matseðla og upplýsingar um Matartorg má finna hér.